Sjókajakmótið Egill Rauði verður haldið um hvítasunnuhelgina, föstudag til mánudags dagana 21. - 24. maí. Mótið er nú haldið í fjórða sinn á Austurlandi en mótið var áður haldið í Stykkishólmi og þar áður á Barðaströnd og ber alltaf nafn landnámsmanna þeirra staða þar sem mótið er. Í ár segja fróðir menn að mótið sé haldið í tíunda sinn. Fólk kemur að víðsvegar að af landinu og einnig erlendis frá en gert er út frá félagsaðstöðu Kaj í Kirkjufjörunni á Norðfirði.
Landhelgisgæslan tekur þátt í mótinu með þyrlubjörgunaræfingu sem verður væntanlega fyrir hádegi á laugardeginum. Á mótinu geta byrjendur og lengra komnir geta sótt námskeið hjá bandarískum leiðbeinendum þeim Dan Henderson og Dubside. Þá verður sundlaugarnámskeið, námskeið á sjó og fyrirlestrar á kvöldin og á sunnudeginum verður keppt í sprettróðri, kajakveltum og reipafimi.
Dagskrá mótsins og allar nánari upplýsingar eru á heimasíðu Kajakklúbbsins Kaj: www.123.is/kaj