Síldarvinnslan í Neskaupstað hefur keypt togarann Margréti EA-710 af Samherja hf. Margrét EA hefur stundað veiðar undan ströndum Afríku en er væntanlegt heim um hvítasunnu og hefur veiðar fyrir Síldarvinnsluna fyrir mánaðarmót á norsk-íslenskri síld og makríl.
Margrét EA er eitt öflugasta uppsjávarskip íslenska flotans, tæplega 2200 brúttotonn og var smíðað í Noregi 1998. Skipt verður um nafn á skipinu. Það mun heita Beitir NK-123.